تويت
جميع المؤهلات والتخصصات اللي معانا بالمجموعة وتحديدا الأطباء والمهندسين يفضل لما تسأل سؤال بالجروب وشكيت ان الاجابة عليه مش كاملة وغير صحيحة من حقك ولازم تطلب المرجع الرسمي للكلام او للاجابة اللي وصلتلك لان بصراحه اللي شايفه ان في ناس بتفتي كتير بدون اي ادلة او اثباتات وكلامهم غير صحيح سواء هنا داخل المجموعة او بره المجموعة او في اي مكان حضرتك بتتصفح المعلومات فيه ..والناس بتتشتت وفي ناس بتصدق
- في ناس بتجاوب بحسن نية لكن للاسف معلوماتها مش كافية واغلبها غير صحيح وهما مش قصدهم حاجه لانهم اكيد وصلهم المعلومات غلط وبالتالي بيحاولوا مشكورين يساعدوا ...
..
-- وفي نوعية اللئيم اللي يتوهك ويخليك تلف حوالين نفسك عشان تسأله عن محامي او تطلب مساعده شخصية منه ويبدء يعرض عليك خدماته بمقابل مادي .. اللي هو من الاساس داخل يرد عليك عشان يحقق سبوبه معينه بس بيشجعك الاول على التجاوب معاه من خلال الرد علي تعليقاتك ...وفي الاخر حضرتك بتقع في المصيدة وبنسبه كبيرة بتقع في حوار نصب وبنسبة تانية لو مكنش نصب ممكن تقع مع حد استغلالي ..وبنسبه تالته بيكون حد عايز يجامل حد معرفه ويجيبله ناس يعني بيبقي للسيناريو اكتر من شكل ...
وبالتالي انصحكم بضرورة اي مشاركات شايفها مش صح او مواضيع بتنشر بالمجموعة او اي انتهاكات او مخالفات من اي نوع ..من حقك تعمل ريبورت وتبلغ الادمنز عن طريق اوبشن هتلاقي بجانب اي مشاركات اسمه
report posts or comments to group admins
انا والله مش بقولكم الكلام ده من فراغ انا معاكم داخل على 7 سنين في ادارة المجموعة عدا علينا اشكال والوان وشوفنا كلام كتير .ولأنكم اخواتي ولا يرضيني ان حد يتضرر من داخل المجموعة هنا وجب عليا التنبية ليس اكثر ولا اقل .
- طبعا انا اقصد فئة معينة هي اللي بتستخدم الاساليب دي مش كل الناس لان فيه محترمين كتير ومعروفين بتعليقاتهم المحترمة والمؤكدة بدون اي تشويش او اغراض اخرى .
- نوهنا مرارا وتكرارا ان فكرة التعامل مع محامي او شخص لتخليص اي اوراق خليها معاك كخطة بديلة في حالة عدم استطاعتك الخوض وانهاء متطلبات الهجرة بمفردك ولما تقرر تتعامل مع حد تسأل حد ثقه واثق فيه مش اي حد يدخل يرميلك كلمتين ويقنعك بحاجه تصدقه بدون سابق معرفه بينك وبينه .
- وده اللي خلانا نعلن عن بعض الخدمات اللي بترشدك للمحاميين الكفء والاشخاص اللي احنا شخصيا نضمنهم ونثق فيهم وبنوفرلك كل الضمانات قبل ما تتعامل معاهم بشكل مباشر..ولان الموضوع هيكون في وشنا احنا قبل اي حد لوحصل اي ضرر لا قدر الله لاي شخص..واحنا اللي بنكون مسؤلين والتفاصيل الخاصة بالكلام ده على الرابط :
https://www.yallahejra.com/vb/node/5354
ولو في اي مشكلة فنية بتقابلك تقدر تتواصل مع الادارة على الرابط
https://www.yallahejra.com/vb/contact-us - في قسم جمعنا عليه كل ما يتعلق بالاطباء ... القسم عليه كمان تجارب ناس كتير تقدر حضرتك تراجعه كويس وحاليا الاخوة المشرفين شغالين على اضافة المزيد من المعلومات وتجارب الاطباء اللي هاجروا تقدر تحتفظ بالرابط ده عندك وتراجعوا وتشوف الجديد عليه من وقت للتاني
https://www.yallahejra.com/vb/node/68