هنا هوضح كل الخطوات والتفاصيل عشان تقدر تقدم على فيزا السياحة لامريكا ..طبعا الأوراق دي كلها مش شرط تطلب منك كلها لكن لازم تكون مجهزها معاك وعامل حسابك ..
انا عن نفسي مفيش اي حاجه اتطلبت مني ولا شافوا غير جواز السفر الجديد والقديم فقط عشان كان فيه التأشيرات القديمه لأكثر من دولة اوروبيه.
نخش في الموضوع ….
-تكلفه الفيزا في حدود 163 دولار
– لازم يكون جواز سفرك فيه فتره 6 شهور قبل انتهاء تاريخ صلاحيته.
-مهم جدا جدا يكون عندك Travel History هو مش اساسي ومش ضمان انك تاخد الفيزا لكن مهم جداا تكون سافرت اكتر من دولة وخصوصا دول الشنجن ومعاك اكتر من فيزا في جوازك ..بردو ارجع واقول ده مش شرط لكنه هيقوي موقفك جداا في المقابله .
– عدد 2 صورتين شخصيتين خلفية بيضة وتكون صوره حديثه مقاس 5*5
ومش هياخدوا منك اي صوره الا لو الصورة اللي انت مقدمها في الابلكيشن اونلاين مش واضحه او قديمه .. فاهيتطلب منك صوره شخصيه ..
– هتدخل موقع السفاره DS-160 وتبدء في كتابه الابلكيشن وبياناتك وتطبع ال confirmation page اخر شيء ومن الموقع ده هتقدر تبدء في الابلكيشن
https://ceac.state.gov/genniv/
– هتاخد معاك وانت بالسفارة ورقه اسمها ارامكس بيكون فيها معاد المقابلة واسمك وبياناتك ونوع الفيزا والتسجيل وحجز الموعد عن طريق الموقع :
https://cgifederal.secure.force.com/documentdeliveryoption
– بتاخد معاك وانت بالمقابله الايصال الخاص بسداد المبلغ لدى البنك وحاليا في اوبشن جديد انك تقدر تدفع عن طريق الفيزا بدون ما تروح البنك المهم بعد الدفع تحتفط بالايصال وتطبعه وتاخده معاك المقابله ..
– اثبات دخل وبيان ضريبي وبيان لاي عقارات (يفضل ولكن غير مهم)
– خطاب تعريف من HR موضح فيه الراتب الشهري (مهم)
– كشف حساب بنكي باخر 6 شهور (مهم)
– اثبات ان رحلتك لامريكا مؤقته وانك هتقعد وقت محدد هناك (خط سير رحلتك : هتروح فين هناك وهتعمل ايه)
– اي فيزا معاك سابقه لاي دولة اوروبيه خدها معاك (مهم جداااا)
– اثبات انك مقيم خارج امريكا وليك التزامات مالية ( قسط سيارة على سبيل المثال ) تلزمك بالرجوع لبلدك في نهاية المدة…(يفضل لكن غير مهم)
ايه الاسئلة اللي اتسألتها في المقابله ومده المقابله ؟!
مده المقابلة معايا كانت لا تتعدى ال 3 دقائق .. وده مش بيحصل مع كل الناس في ناس ممكن الفتره تطول معاهم اكتر بحد اقصى 4-5 دقائق ونوعية الأسئلة بتختلف من شخص للتاني يعني مش شرط حضرتك تتسأل نفس الاسئلة اللي انا اتسألتها
الأسئلة كانت:
-
كلمني عن شغلك او طبيعه شغلك او وظيفتك الحالية ؟
-
بقالك قد ايه عايش هنا ؟ (علي حسب البلد اللي انت مقيم فيها وبتقدم منها )
-
ايه البلاد اللي انت زورتها اخر 5 سنين
-
هل لك حد في ام
-
ناوي تروح فين في امريكا ؟
بعدين ساد الصمت في المكان لمدة دقيقه ..وفي النهايه قالتلي
Congratulation your Visa approved
