هل فيه دوله في اوروبا ممكن تديك حق الاقامه والعمل وكمان الجنسيه بدون اي أوراق او تكاليف ؟؟
ايوه فيه كده .. الموضوع حقيقي ..
تعالوا نعرف مع بعض ايه الحكايه ..
تخيل انك فعلا ممكن تاخد حق الاقامه والجنسية ويكون مصرح ليك بالعمل بشكل رسمي في أوروبا وكل ده خلال ساعه وبدون أي رسوم او تكلفه .
البلد دي هي عباره عن مدينه في القطب الشمالي تابعه للنرويج اسمها ( سفالبارد SVALBARD ) ..
لو انت متواجد في المدينه دي تقدر بكل سهوله تاخد باسبورك وجري علي قسم الهجره وتقدم باسبورك لموظف الهجره وتطلب الحصول على الاقامه القانونيه وتصريح بالعمل
وخلال ساعه واحده هيكون معاك كارت الاقامه وتصريح العمل وكمان بعد خمس سنين تقدر تقدم علي الجنسيه وتبقي مواطن نرويجي .
طب ازاي اقدر انفذ الموضوع ده .. وايه شروطه وايه مميزاته وكمان ايه عيوبه ..
بصوا .. هو الموضوع بكل السهوله اللي حكيتها دي بس ليه شروط لازم تعرفها وكمان تعرف عيوب ومساوئ الموضوع ..
هتكلم بسرعه عن مميزات الموضوع :
وهي انك هيكون ليك حق الاقامه بشكل قانوني في أوروبا وليك حق العمل بشكل قانوني ..
وليك نفس حقوق المواطن النرويجي والرواتب في النرويج من اعلي الرواتب في العالم كله .
وكمان بعد خمس سنين تقدر تقدم علي الجنسيه النرويجيه ..
تعالوا بقه نتعرف علي شروط الموضوع .. وايه اهم عيوبه ..
– اول شرط انك لازم تكون متواجد شخصيا وبشكل ( قانوني ) في البلد دي .
– وبما ان البلد دي تابعه للنرويج فلازم يكون معاك فيزا ( شنجن ) عشان تقدر توصل للنرويج ومن النرويج تاخد طيران داخلي للمدينه دي .
– من شروط الاقامه والعمل :
– إن مش من حقك تشتغل أو تقيم الا داخل المدينه دي بس .. يعني تصريح العمل مش بيديك الحق انك تشتغل في أي دوله اوروبيه او أي مدينه نرويجيه والا هتكون مخالف لشروط الاقامه وشروط العمل الممنوحه ليك
– مفيش شغل في البلد دي الا في مجالات محدده بس .. صيد السمك من البحيرات المتجمده وتصليح وصناعة قوارب الصيد والعمل في مناجم الفحم هناك .. فلو معندكش خبره في المجالات دي هتتعب اوي هناك
– اهم حاجه لازم تعرفها عن الموضوع ان المدينه دي في القطب الشمالي .. يعني درجه الحراره طول السنه ٤٠ تحت الصفر .. انت متخيل ؟
فلو تقدر تتحمل الطقس الفظيع ده طول السنه ومعاك فيزا شنجن .. تقدر بكل سهوله يكون معاك اقامه في أوروبا خلال ساعه
– ومن اكبر مساوئ المدينه دي ان الدنيا هناك علطول نهار مفيش ليل .. الشمس مش بتغيب الا ساعتين في اليوم وساعات مش بتغيب .. يعني الدنيا هناك نهار طول اليوم .. يعني جو كئيب محدش يقدر يتحمله ابدا
فحضرتك لو معاك فيزا شنجن .. وكنت متواجد في مدينه سفالبارد بشكل قانوني .. وتقدر تتحمل طقس ٤٠ تحت الصفر طول السنه وتتحمل انك تعيش في نهار طول اليوم .. فأنصحك جري علي Svalbard ..
