Ielts
كُتب بواسطة
Omar Ahmadien
فى
IELTS,
امتحانات عالمية, علم, مذاكرة, ملكش حجة
إزاي تجهز لامتحان الـ
IELTS في إسبوعين من الآخر عشان متوجعش دماغك
وتلف كتير وتاخد كورسات عمال على بطال ..
دي الطريقة اللي انا مشيت عليها أنا وكذا حد من صحابي وكلنا جبنا درجات أعلى من 6.5 .. ودي اللي انت محتاجها عشان تقدم في أي جامعة .. باستثناء أعلى جامعات في العالم بتحتاج 7 ..
أولًا لو إنت مش عارف حاجة عن الـ
IELTS
ممكن تقرا بوست علماء مصر ده:
…………………………………………………………..
بس مصادر المذاكرة أنا هقولك عليها .. قبل بس ما أقولها لازم تعرف إن الموضوع مش إنك تقعد تحفظلي كلمات .. ولا تقعد تذاكر جرامر من الأول للآخر .. أكيد هتبقى محتاج كلمات وجرامر .. بس دي طريقة غلط يعني لإن الموضوع هو طريقة حل امتحان أكتر منه أي حاجة تانية .. وإنت في كلية مثلًا دلوقتي هتكون خلصت انجليزي في ثانوي وده كافي جدًا ليك من ناحية كل حاجة ..
المهم اقرا الخطوات دي كلها ع بعضها بعدين ابقى نفذها ..
1- هتشوف الكورس الأون لاين ده:
https://www.edx.org/course/ielts-academic-test-preparation-uqx-ieltsx-0
دا اللي عاملة الناس اللي عاملين الـ IELTS اصلًا .. وبيتكلموا فيه عن كل جزء من الامتحان ازاي تمشي فيه .. حاول تكتب الملاحظات الخاصة بكل جزء عشان هتفيدك .. ولازم تاخده أون لاين وتحل كل الكويزات عشان دي أهم حاجة في الكورس .. المدة اللي مفروض يخلص فيها (من 2 لـ 4 أيام بالكتير أوي).
2- هتخش هنا:
https://drive.google.com/drive/folders/0B-ikaTdt2XnEXzhWLXJhYWR5OHM
تنزل الملفات المضغوطة دي
..
كل ملف فيه PDF
دول امتحانات
Cambridge
.. الامتحان بيجي شبهها بالظبط
..
مش نفس الأسئلة بس نفس الشكل
..
من الآخر ممكن تعتبرها امتحانات سابقة
..
ودي أهم خطوة بالنسبة لأي حد داخل الامتحان إنه يحل امتحانات بالهبل قبل ما يخش
..
3- هتاخدلك كل يوم 3 امتحانات كدة ولا امتحانين
.. طبعًا امتحان كامل
..
شامل الـ 4 اقسام
..
هتفضل تاخد كل يوم 3 امتحانات لحد الامتحان
..
يعني مفروض تحللك تقريبًا 25 امتحان مثلًا أو 20 امتحان
..
الامتحان مدته ساعتين ونص
..
هتقفل النت والموبايل وكل حاجة وتظبط وقت لكل سيكشن .. هقول إزاي دلوقتي ..
4- بالنسبة للـ
Listening
..
هو مدته نص ساعة بس وبيشتغل مرة واحدة بس
.. حط التسجيلات في
playlist
عشان تشتغل ورا بعضها بدون فواصل
..
وعشان تبقى زي الامتحان بالظبط النص ساعة على بعضها
..
* إياك توقف التسجيل لأي سبب كان
..
* افتكر النصايح بتاعت الكورس اللي في رقم 1 الخاصة بالـ
Listening
وعلى قد ما تقدر حاول تطبقها
..
* هيأ الجو إنك ف امتحان حقيقي
..
الامتحان انت بتقعد ساعتين ونص فعلًا مش بتتحرك من مكان وعينك مش بتترفع
من الورقة ..
هتقيم نفسك إزاي هقولك في الآخر
..
5- بالنسبة للـ
Reading
.. هو 3 سكاشن .. مفروض كله يخلص في 60 دقيقة
..
يعني من الآخر كل سيكشن 20 دقيقة
..
هتظبط وقت برضه
..
العشرين دقيقة تخلص تنقل على السيكشن اللي بعده
..
*إياك تاخد وقت أكتر من وقتك ..
ركز في الوقت لإنك في الامتحان الأصلي هتلاقي نفسك مخلصتش حاجات ومفيش وقت ولازم تنقل على اللي بعده
..
دا طبيعي
..
هتقيم نفسك إزاي هقولك في الآخر ..
6- بالنسبة للـ
w r i n t i n g
.. بيتكون من سيكشنين .. يخلصوا في 60 دقيقة
.
الأولاني مفروض 20 دقيقة .. والتاني 40 ..
هتكتب بإيدك .. وخلي بالك لازم تعدي في أول سيكشن 150 كلمة والتاني 250 .. ف حاول تظبط نفسك وتعرف انت بتكتب في السطر كام كلمة ..
هتقيم نفسك إزاي هقولك في الآخر ..
7- الـ Speaking ..
قدامك حلين .. تمتحن نفسك بنفسك .. ودي شايفها مش صح في الأول ..
والتاني إنك تشوف حد يمتحنك .. هيفتح امتحان الـ
Speaking من الـ
ويفضل يسألك ..
أول سيكشن مفروض تعارف عادي واسئلة عامة.. والتاني بيديلك موضوع تتكلم عنه .. لازم تتكلم عنه دقيقتين .. وخلال الدقيقتين متوقفش خالص .. ولا تتردد .. ولا تكح حتى .. هتفضل تلوك تلوك الدقيقتين لحد ما يقولك كفاية ..
يعني أول كام امتحان كدة خلي حد يمتحنك ..
وبعد كدة بقى انت امتحن نفسك .. سجل لنفسك وانت بتتكلم .. وشوف الوقت فعلًا اتكلمت دقيقتين.. غلطت فين؟ وهكذا..
فاكس النطق .. يعني هما مش بيحاسبوا عليه طالما فاهمين الكلمة اللي انت بتقولها خلاص .. إن شلا لو اللهجة بتاعتك هندي ..
وافتكر إنك في خلال كل سؤال هي بتسأله عشان تطول في الإجابة لازم تجيب أمثلة أو تألف أمثلة من دماغك .. زي مثلًا .. أنا في الويك إيند بروح القارة الشمالية وبرجع تاني بليل .. وبشوف هناك بطاريق بتجري ورا بعض.. ومش عارف إيه.. وهكذا مش لازم تكون حقيقة المهم تسبكها صح..
—
8- هتلاقي في آخر كل PDF الإجابات بتاعت الأسئلة .. خلي بالك اقرا السؤال كويس ساعات يقولك عاوز رقم وكلمة بس .. مينفعش تحطله كلمتين .. ومينعفش ساعتها برضه تكتب الرقم كلام.. لازم تحطه رمز عشان تستوفي الشروط .. المهم
هتقيم نفسك في الـ
Listening والـ Reading
الباقي بقى .. بالنسبة للـ
Speaking
ممكن تخش في الكورس هتلاقي
Hangout
وناس بتمتحن بعضيها ..
والـ
w r i t i n g
بقى .. ممكن تاخد
Practice Test
في القنصلية البريطانية اللي انت قدمت فيها .. موجودة في بوست علماء مصر اللي فوق .. هتقولهم عاوز امتحن
W r i t i n g
.. وهتدفع 100 جنيه.. هيبعتولك الامتحان على الميل .. هتكتبه
word
في الوقت اللي هو ساعة بالظبط متضحكش على نفسك يعني.. وتبعتهلم
وهيقولولك التقييم بتاعك ..
9- أكتر موقع لقيته مفيد الصراحة وكنت أتمنى أشوفه في بداية وانا بحل امتحانات هو موقع الأخ سايمون ده:
الراجل دا حاطط أمثلة كتيرة جدًا مفيدة جدًا فعلًا وبيقولك حاجات مهمة لإنه كان بيصحح الامتحانات قبل كدة وعارف الغلطات .. هتلاقوا كل حاجة على الشمال تحت .. في الـ
Categories ..
استفدت جدًا من
Writing
عنده الصراحة .. كان قايل شوية هينتات محترمة.. وإزاي اقسم الـ paragraphs
وبتاع ..
10- لما بتقدم في القنصلية بيبعتولك لينك كدة اسمه
Road to IELTS
دا بقى لو لقيت وقت ابقى خش عليه .. بس لو حليت 20 امتحان .. وخلصت الحاجات اللي على موقع سايمون .. وخلصت الكورس بالكويزات اللي فيه .. ف خلاص يعني بالنسبالك هيبقى أهبل ..
آخر حاجة .. لما تيجي تحل أول امتحان عادي تجيب درجات زفت .. مع الوقت هتلاقي نفسك بتتطور وبتجيب أعلى .. ف حاول تعمل ليسته بالامتحانات اللي امتحنتها وجنبها الدرجات كدة .. وعشان تحسب الـ
Score
بتاعك من هنا
http://www.examenglish.com/IELTS/IELTS_Band_Score_Calculator.html
