Everything about Express Entry كل شىء عن

فى ناس كتير بتسأل عن الهجرة لكندا, و دائما الناس عندها اختلاط فى الامر و السؤال الشهير هو : هل نظام النقاط من 100 نقطة و لا من 1200 نقطة و ايه الفرق بينهم وايه هو موضوع ال

Pool

ده و ايه النقاط اللى مفروض الشخص يجيبها علشان نظام الهجرة يختاره و تجيله ال

invitation

و ايه الاوراق المطلوبة و ايه الخطوات اللى المفروض تتعمل علشان نهاجر لكندا (الحلم الكبير) , ان شاء الله اقدر اجاوب على جميع الاسئلة هنا فى الموضوع ده

___________________________________________________________

: قبل ما نتكلم على نظام النقاط لازم نعرف المتطلبات الاساسية المطلوب توافرها قبل التقديم

• الخبرة العملية : لازم يكون عندك على الاقل سنة خبرة فى خلال ال 10 سنوات الاخيرة و تكون وظيفتك من ضمن الوظائف المطلوبة
• اللغة : لازم تكون جايب على الاقل

CLB 7

يعنى فى الايلتس (6666)

• التعليم : حل من اتنين : يكون معاك مؤهل من كندا (طبعا محدش معاه) او يتم تقييم شهادتك عن طريق احدى المؤسسات اللى كندا بتعترف بيها

Educational Credential Assessment (ECA) report from an agency approved by CIC

يعنى ايه بقى الكلام ده ؟

اولا ديه مش معادلة ده بس تقييم يعنى ان شاء الله لو ربنا كرمك و سافرت فى بعض المهن بتحتاج معادلة علشان تعرف تشتغل ملهاش علاقة بالتقييم ده, التقييم ده مجرد اجراء لازم يتعمل علشان يقولك شهادتك ديه تعادل انه شهادة فى كندا و بالتالى تقدر تاخد النقاط الازمة بتاعت التعليم

http://www.cic.gc.ca/english/immigrate/skilled/assessment.asp

و ده لينك للموضوع ده و فيه تفاصيل كل حاجة عن المؤسسات ديه و ايه الاوراق المطلوبة

بس بصورة عامة كل التخصصات تقريبا ( ما عدا التخصصات الطبية) ببتقيم عن طريق

WES

ديه ارخص و اسرع واحدة اما بقى التخصصات الطبية ليها جهات تقييم مختلفة

• : المبلغ المطلوب

و ده الحد الادنى من الفلوس اللى لازم تكون فى رصيدك قبل ما تسافر و ديه فى رأيي مش مشكلة لانك ممكن ان شاء الله لما تاخد الدعوة ممكن تستلف الفلوس ديه من حد و تحطها فى حسابك و تعمل بيها حساب بنكى و عموما ملهاش علاقة بالاختيارخالص و ده لينك علشان تعرف هتحتاج كام

http://www.cic.gc.ca/english/immigrate/skilled/funds.asp

و لكن لو انت مش هتحتاج معادلة ( يعنى هتشتغل على طول) او معاك عقد عمل قبل ما تسافر مش هتبقى مطلوبة منك خالص

•  اخر حاجة انك لازم تكون جايب 67 نقطة من 100 نقطة فى نظام العوامل الستة

Six Selection Factors System  

 ده يرجعنا تانى لاجابة الاسئلة اللى فووووق خالص ديه

________________________________________

السؤال الاول : هل نظام النقاط من 100 نقطه ولا من 1200 نقطة و ايه الفرق بينهم ؟

الاجابة : يوجد نظامين للنقط 100 نقطة و 1200 نقطة لازم اى حد مقدم فى ال

Express Entry

يعدى عليهم

اولا : نظام ال 100 نقطة

النظام ده هو اللى بيحدد هل انت مؤهل لنظام ال

Express Entry

و لا لأه , يعنى علشان تقدم لازم و لابد تكون اخدت 67 نقطة او اكثر و بيطلق عليه ال

Six Selection Factors System

و ديه طريقة حساب النقاط :

1. اللغة : و ديه بتاخد عليها 28 نقطة كحد اقصى و هو بيقيس قوتك فى اللغة الانجليزية او الفرنسية فى الاربع فروع الرئيسيين : التحدث, السمع , الكتابة , القراءة

ملاحظة:  فى كندا يوجد تدريج لحساب اللغة اسمه

Canadian Language Benchmarks (CLBs)

و ده مقياس لقوتك فى اللغة عن طريقه بيتم ترجمة اى امتحان زى التويفل و الايلتس و غيره

, يعنى مثلا لو انت جايب فى الايلتس (6666) دو يوازى ل

CLB 7

و لو جايب مثلا (7778) ده يوازى ل

CLB 9

و هكذا و ده لينك علشان تعرف تحول للتدرج ده

http://www.cic.gc.ca/english/resources/tools/language/charts.asp

1. التعليم : و ده بتاخد عليه 25 نقطة كحد اقصى و ده لو انت معاك مؤهل عالى و دكتوراه و مثلا بتاخد 21 نقطة لو مؤهل عالى فقط و هكذا
2. الخبرة : و ديه بتاخد عليها 15 نقطة كحد اقصى و بتاخدهم كلهم لو انت عندك 6 سنين خبرة او اكثر و طبعا بيقبوا لو عدد سنين خبرتك بتقل
3. السن : و ده بتاخد عليه 12 نقطة كحد اقصى و ده فى حاة ان سنك بين 18 و 35 سنة و كل ما سنك يزيد النقط بتقل و تحت 18 سنة مش بتاخد و لا نقطة
4. عقد عمل : و ده بتاخد عليه 10 نقطة كحد اقصى و معناه انك لازم و لابد يكون معاك عقد عمل قبل ما تقدم على الهجرة
5. التكيف : و ديه بتاخد عليها 10 نقطة كحد اقصى و ديه بتاخده فى حالات كتير منها مثلا لو الزوج او الزوجة معاه لغه

CLB4

1. يعنى فى الايلتس (3.5 4 4.5 4) بتاخد 5 نقاط و مثلا لو ليك قرايب فى كندا بتاخد 5 نقاط و هكذا

و ده لينك موجود عليه كيفية حساب النقاط بالتفصيل

http://www.cic.gc.ca/english/immigrate/skilled/apply-factors.asp

_____________________________________________________

ثانيا : نظام 1200 نقطة

ده هو النظام الاساسى للاختيار فى كندا اول حاجة لازم تعمل اكونت على موقع الهجرة الكندى من اللينك ده

http://www.cic.gc.ca/english/e-services/account.asp#login

و بعد كده تبدأ تدخل بياناتك بالتفصيل و لازم تكون كل بياناتك صحيحة و مؤكدة علشان لما ربنا يكرمك و تجيلك الدعوة لازم تقدم اثبات و اوراق لكل البيانات ديه و بعد ما تخلص و تعمل تفعيل  للحساب بتاعك انت كده هتبقى رسمى مقدم فى نظام الهجرة المسمى بال

Express Entry

و هتكون جوه حاجة اسمها ال

Pool

و هيكون ليك سكور معين من النقاط بحد اقصى 1200 نقطة و من خلال النظام ده بيتعمل سحوبات حوالى مرتين كل شهر بيتم من خلالها اعطاء دعوة المتقدمين على اساس النقاط يعنى بيتم اعطاء الدعوة للاشخاص اللى عندهم اعلى نقاط

نيجي بقى لاهم حاجة دلوقتى و هى كيفية حساب نظام النقاط فى ال

Express Entry

و هنا يوجد ملاحظه مهمة جدا و هى هل انت متزوج و لا لأه ؟؟!!

عموما لو المتقدم الرئيسى متزوج بيقل عدد النقاط اللى بياخدها لو كان غير متزوج (على عكس المتوقع)  لأن فى نظام ده بيقطتع جزء من النقاط و يعطيها للزوجة على حسب مؤهلاتها و قوتها فى اللغة يعنى من الاخر النظام الجديد بيبقى عايز الزوج او الزوجة ليهم نفس القوة و بالتالى يقدروا يفيدوا اكتر المجتمع الكندى

نيجى بقى لطريقة حساب النقاط ( و هنتكلم هنا لو المتقدم الرئيسى غير متزوج):

1. السن : بتاخد 110 نقطة كحد اقصى و ده فى حالة السن بين 20 و 29 سنة و كل سنة فوقال 30 سنة بتقل 5 نقاط
2. التعليم : بتاخد 150 نقطة كحد اقصى و ده فى حالة انك معاك دكتوراة و بتاخد 135 نقطة فى حالة الماجستير و بتاخد 120 نقطة فى حالة البكالوريوس

يوجد هنا ملاحظة مهمة جدا جدا جدا : و هى فى حالة انك خريج احدى التخصصات الطبية مثل الطب الو الصيدلة او خريج كلية الحقوق يتم معاملة البكالوريوس كأنه ماجستير يعنى بتاخد 135 نقطة على البكالوريوس

3. اللغة : بتاخد 160 نقطة كحد اقصى و ديه بتاخدها على حسب قوتك فى اللغة الانجليزية او الفرنسية او كلاهما يعنى لو معاك لغة انجليوية فقط تاخد 136 نقطة كحد اقصى و لو معاك لغة فرنسية تقدر تاخد 24 نقطة كحد اقصى
4. الخبرة الكندية : بتاخد 80 نقطة كحد اقصى لو معاك 5 سنين او اكتر خبرة داخل كندا و بتقل مع قلة سنين الخبرة

يوجد مجموعة نقاط اسمها

Skill transferability factors 

• و ديه بتاخد فيها 100 نقطة كحد اقصى عن طريق :

اللغة + التعليم : بتاخد 50 نقطة كحد اقصى و ديه بتاخدها على حسب اللغة و التعليم يعنى لو انت مؤهل عالى و معاك

CLB7

يعنى فى الايلتس (6666) بتاخد 13 نقطة و لو انت معاك مؤهل عالى و

CLB9

• يعنى فى الايلتس (7778) بتاخد 25 نقطة و هكذا
• التعليم + الخبرة الكندية : بتاخد 50 نقطة كحد اقصى و ديه بتاخدها على حسب التعليم و خبرتك العملية داخل كندا يعنى مثلا لو انت معاك مؤهل عالى و سنتين خبرة داخل كندا هتاخد 25 نقطة

اللغة + الخبرة خارج كندا: بتاخد 50 نقطة كحد اقصى و ديه بتاخدها على حسب التعليم و خبرتك العملية خارج كندا يعنى مثلا لو انت معاك 3 سنوات خبرة و معاك

CLB 9

• يبقى هتاخد 50 نقطة

اللغة + الوظائف الحرفية : بتاخد 50 نقطة كحد اقصى و ديه فى حالة انك معاك لغة

CLB7

او اكتر يعنى فى الايلتس (6666) بس لازم تكون الشهادة الحرفية معاها

certificate of qualification

1. النقاط الاضافية : و ديه بتاخد 600 نقطة كحد اقصى و هى كالاتى :

• تعليم ثانوى داخل كندا سنه او سنتين : 15 نقطة
• تعليم ثانوى داخل كندا 3 سنوان او اكثر : 30 نقطة
• عقد عمل فى الوظائف الادارية : 200 نقطة
• عقد عمل فى الوظائف المهنية : 50 نقطة
• ترشيح ولاية : 600 نقطة

و ده لينك فيه بالتفصيل طريقة حساب النقاط

http://www.cic.gc.ca/english/express-entry/grid-crs.asp#a1

_______________________________________________________

نيجى بقى لاهم سؤال دلوقتى : انا حاليا حسبت النقاط و كنت عايو اعرف هل يوجد فرصة ليتم اختيارى و لا لأة ؟؟!!

لو جينا شوفنا تاريخ ال

Express Entry

و الحد الادنى للأختيار هنلاقى الاتى :

• الحد الادنى للنقاط فى تاريخ النظام ده للاختيار هو 450 نقطة
• الحد الادنى للنقاط فى عام 2016 للاختيار هو 453 نقطة

الكلام ده معناه لو انت حسبت النقاط بتاعتك و لاقيتها اقل من 450 نقطة قدامك حل من اتنين :

• اولا انك تدور على عقد عمل و ده يديلك 200 نقطة فى حالة الوظائف الادارية او 50 نقطة فى حالة الوظائف المهنية
• ثانيا انك تدور على ترشيح احدى المقاطعات (الحل السحرى) و ده موضوع مش سهل و برضه مش صعب بس عايز متابعة كتير للمقاطعات و معرفة شروط كل منها و ميعاد التقديم و ان شاء الله يكون فى موضوع مفصل عن ترشيح المقاطعات نتكلم فيها عن الشروط و كيفية التقديم