فيزا المهاجرين المؤهلين للأقاليم ….
489 skilled regional visa
…
… وهي فيزا بتكون عبر رعاية ولاية او رعاية قريب ليك في استراليا بشرط ان يكون مقيم دائم او حاصل علي الجنسية الاسترالية …. وهي فيزا مؤقتة مدتها 4 سنوات تسمح لك بالاقامة في مناطق محددة في استراليا … حصولك علي رعاية من ولاية او قريبك يمنحك 10 نقاط اضافية لتجتاز اختبار النقاط…
لحصول علي هذه الفيزا يجب عليك ان تنطبق فيك الشروط التالية :
- ان تكون مهنتك موجودة في قائمة المهن المطلوبة لاستراليا في قائمة
- CSOL LIST for State sponsored or SOL LIST for Family sponsored
راجع قائمة المهن في الرابط
http://arab-migrants.com/en/countries/australia/consolidated-sponsored-occupations-list-csol/
- ان تكون حصلت علي معادلة لشهادتك من الجهة المختصة في استراليا بمهنتك
راجع قائمة بجهات الاختصاص في الرابط
http://arab-migrants.com/en/countries/australia/assessing-authorities/ )
- ان يكون عمرك علي الاقل50 عاما
- ان تكون متمكنا من اثبات لغتك الانجليزية بحصولك علي الاقل6 في امتحان الايلتس IELTSاو مايعادله
- ان يتم ترشيحك من قبل احدي المقاطعات او الولايات الاسترالية للحصول علي هذه الفيزا
- ان تستطيع احراز50 نقطة علي الاقل في اختبار النقاط الخاص باستراليا
راجع كيفية حساب النقاط في الرابط
http://arab-migrants.com/en/countries/australia/points-test-australia/
…..
الفيزا تحتوي علي طريقين مختلفين احدهم عن طريق رعاية ولاية او مقاطعة استرالية والاخر عبر رعاية قريب لك يسكن اقليم معين في استراليا … اول نوع (state sponsored) ودا يستلزم ترعاك احد ولايات استراليا لتاخد الفيزا … وتاني نوع ( Family sponsored ) ودا بيستلزم يرعاك قريب ليك لتأخد الفيزا …
للنوع الاول (489-S) هنا انت بتقدم في الEOI لولاية انت بتختارها عشان ترعاك بس لازم مهنتك تكون مطلوبة في الولاية الانت مقدم لليها …. اضافة لانك حتلتزم بانك تعيش في المناطق الريفية من تلك الولاية فقط لمدة سنتين …. هنا الولاية بتشوف طلبك وتقيمه ثم تقرر اختيارك ام لا ….
للنوع التاني (489-F) هنا انت بتقدم في الEOI علي اساس انو قريبك هو اللي حيرعاك ( قريبك دا لازم يكون ” ابوك/امك-اخوك/اختك-ابنك/بنتك-جدك/جدتك-عمك/عمتك/خالك/خالتك-ابن عمك/ابن خالك-ابن اخوك/ابن اختك ) … مع شرط ان قريبك مايكون عايش في احدي المدن دي (برسبان-سيدني-نيوكاستل-وولونغونغ) … هنا انت مش بتنتظر في الصف مادام قريبك حيرعاك وبتمش علي طول ….
طيب الفرق ايه بين الاتنين ؟ …. اول فرق واهم فرق انو 489-F مهنتك لازم تكون في ال SOL زيها زي 189 بالضبط وهي لستة اصغر طبعا وفي مهن كتير مش فيها …. بينما 489-S مهنتك لازم تكون في الCSOL زيها زي 190 بالضبط وهي اللستة الاكبر وتقريبا كل المهن فيها ….
تاني فرق … 489-F مش مضطر تعيش في مكان معين ( باستثناء انك مش حتقدر تعيش في المدن الاربعة اللي فوق ) … يعني انت حر … في مدن كبيرة وعواصم ولايات عديدة ممكن تعيش فيها …. بينما 489-S انت مضطر تعيش في ارياف الولاية الرعتك للفيزا ( وحتي بعضهم بيمنعك تعيش او تشتغل في عاصمة الولاية او مدنها الكبيرة) … وماتقدر تشتغل او تعيش في ولاية غير الرعتك لمدة السنتين الاولي علي الاقل …
تالت فرق … طريقة الدعوة وزمن الدعوة …. 489-F بتخش نظام الrounds العادية مع 189 وغالبا مش حتجيك دعوة بالساهل لو المقدمين ل189 في مهنتك كمية ( ولو مهنتك من المهن اللي فيها زيادة ل65 او 70 حتضطر توصل نقطك 65 زي 189 بالضبط)… زمن الانتظار عشان الدعوة تجيك ل 489-F طويل جدا ممكن يستمر ل6 شهور وربما سنة وربما يزيد …. بالنسبة ل 489-S في اليوم اللي وافقت الولاية ترعاك حتجيك الدعوة مباشرة(حتي لو عندك 60 نقطة بس) … يعني ممكن في اسبوع …
……
الشروط العامة للفيزا وكيفية حساب النقاط والعمر وخلافه من الممكن مراجعتها عبر الموقع … لكن فوق نقاطك 489 بتضيف 10 نقاط اضافية ….
…..
بعد ماقدمت واخدت الفيزا دي ؟ …. ايه اللي حيحصل ؟ ….. الفيزا هي فيزا مؤقتة مدتها 4 سنوات كما قلنا بتتحول لفيزا دائمة عبر فيزا تانية هي 887 …. دي شروطها ايه ؟ … شرطين اساسيين … انك تكون عشت في المناطق الريفية للولاية الرعتك لو انت 489-s لمدة سنتين …. او عشت في اي منطقة برة الاربعة مدن اعلاه لو انت 489-f …. اضافة لانك تكون اشتغلت شغل بدوام كامل لمدة سنة ( الشغل مش يشترط انه يكون في مجالك بل اي شغل بس لمدة سنة كاملة في السنتين العشتهم في المناطق دي) …. فيزا 887 مش فيها نقاط ولا ايلتس ولا اي شئ بس الشرطين ديل … فيزا 887 فيزا دائمة بتأهلك بعدها للعيش والعمل في اي مكان في استراليا وفيها نفس حقوق 189 و190 كمقيم دائم ….
….
